ຈຳນວນທຶນການສຶກສາ
ປິນີ້ , ທາງພວກເຮົາໄດ້ຮັບ 3 ທຶນ. ລາຍລະອຽດດັ່ງລຸ່ມນີ້:
- ທຶນເຕັມ (ອີງຕາມຄວາມຈຳເປັນ) ຈຳນວນ 01 ທຶນ
- ທຶນເຕັມ (ລວມທຸກຄ່າໃຊ້ຈ່າຍ) ຈຳນວນ 01 ທຶນ
- ທຶນທີ່ອີງຕາມຄວາມຈຳເປັນ ຈຳນວນ 01 ທຶນ
ຊື່ໂຮງຮຽນ UWC | ປະເທດ | ປະເພດຂອງທຶນ |
---|---|---|
Waterford Kamhlaba UWCSA* | ເອສວາຕິນີ | ທຶນເຕັມ (ລວມທຸກຄ່າໃຊ້ຈ່າຍ) |
UWC Mahindra College | ອິນເດຍ | ທຶນເຕັມ (ອີງຕາມຄວາມຈຳເປັນ 0-100%) |
ຍີ່ປຸ່ນ | ທຶນບາງຈຳນວນ (ອີງຕາມຄວາມຈຳເປັນ 0-95%) |
*ສົກຮຽນຂອງ Waterford Kamhlaba UWCSA ແມ່ນເລີ່ມເປີດສົກຮຽນເດືອນມັງກອນ (1) ປີ 2025
ທຶນການສຶກສາທຸກທຶນຂຶ້ນກັບການຕໍ່ລອງ ແລະ ຂຶ້ນກັບເງື່ອນໄຂຂອງແຕ່ລະຄອບຄົວ ແລະ ການເຫັນດີຂອງໂຮງຮຽນ ຫຼື ວິທະຍາໄລ UWC. ອິງຕາມເງື່ອນໄຂທາງດ້ານການເງິນ, ທາງໂຮງຮຽນ ຫຼື ວິທະຍາໄລ UWC ຈະເປັນຜູ້ກຳນົດຈຳນວນທຶນເອງ, ເຊິ່ງນັ້ນແມ່ນບໍ່ໄດ້ໝາຍຄວາມວ່າ ທາງໂຮງຮຽນຈະເປັນຜູ້ອອກຄ່າໃຊ້ຈ່າຍທັງໝົດ.
ອາດຈະມີທຶນຈາກ UWC ອື່ນໆເພີ່ມມານອກຈາກໂຮງຮຽນຂ້າງເທິງຫຼັງຈາກສຳເລັດການຄັດເລືອກທຶນນີ້.
ທຶນອິງຕາມຄວາມຈຳເປັນ ລວມມີຫຍັງແດ່?
ສຳລັບ ທຶນອິງຕາມຄວາມຈຳເປັນ ແມ່ນທາງໂຮງຮຽນຈະເປັນຜູ້ອອກຄ່າໃຊ້ຈ່າຍລຸ່ມນີ້:
- 0-100% ຂອງຄ່າຮຽນ
- ຄ່າກິນຢູ່ໃນຫໍພັກ
- ປຶ້ມຮຽນ
- ຄ່າລົງທະບຽນສອບເສັງ IB
- ຄ່າທັດສະນະສຶກສາ.
ທຶນເຕັມ (ລວມທຸກຄ່າໃຊ້ຈ່າຍ) ລວມມີຫຍັງແດ່?
ສຳລັບທຶນເຕັມ (ລວມທຸກຄ່າໃຊ້ຈ່າຍ) ແມ່ນທາງໂຮງຮຽນຈະເປັນຜູ້ອອກຄ່າໃຊ້ຈ່າຍລຸ່ມນີ້:
- ຄ່າຮຽນ, ຄ່າຫໍພັກ, ອຸປະກອນການຮຽນ, ຄ່າລົງທະບຽນສອບເສັງ IB, ຄ່າທັດສະນະສຶກສາ.
- ຄ່າໃຊ້ຈ່າຍສໍາລັບ Project week (ກິດຈະກໍາໂຄງການອາທິດ)
- ຄ່າວີຊ້າ ແລະ ຄ່າໃຊ້ຈ່າຍໃນການເດີນທາງ (ປິ້ຍົນໄປ/ກັບຈາກໂຮງຮຽນ ແລະ ໜື່ງປີ້ກັບໃນຊ່ວງພັກແລ້ງ)
- ເບ້ຍລ້ຽງ.
- ຄ່າໃຊ້ຈ່າຍເພີ່ມເຕີມອື່ນໆທີ່ມີຄວາມຈຳເປັນຕໍ່ນັກຮຽນຜູ້ໄດ້ຮັບທຶນ.
ໂດຍທົ່ວໄປແລ້ວທຶນນີ້ຈະບໍ່ມີເບ້ຍລ້ຽງ, ຄ່າເດີນທາງ ຫຼື ປະກັນສຸຂະພາບ ຫຼື ປະກັນເວລາເດີນທາງ ຫຼື ຄ່າໃຊ້ຈ່າຍອື່ນໆໃນເວລາພັກແລ້ງ. ໃນກໍລະນີເບ້ຍລ້ຽງ ຫຼື ຄ່າເດີນທາງ ແລະ ປະກັນລວມຢູ່ໃນທຶນນັ້ນລາຍລະອຽດຈະຖືກລະບຸໄວ້ໃນສັນຍາທີ່ຕົກລົງເຫັນດີລະຫວ່າງ ຄອບຄົວນັກຮຽນ ແລະ ໂຮງຮຽນ ຫຼື ຄະນະກໍາມະການ.
ຄ່າໃຊ້ຈ່າຍເພີ່ມເຕີມອາດຈະລວມມີຄ່າໃຊ້ຈ່າຍສໍາລັບເດີນທາງ, ເງິນແຮ ຫຼື ເບ້ຍລ້ຽງ ແລະ ເງິນສໍາລັບເຮັດກິດຈະກໍາ. ທຶນທີ່ໃຫ້ຄ່າໃຊ້ຈ່າຍຕື່ມແມ່ນຈະໄດ້ລະບຸຈະແຈ້ງຢູ່ໃນສັນຍາລະຫວ່າງຄອບຄົວ, ນັກຮຽນ ແລະ ໂຮງຮຽນ ຫຼື ຄະນະກໍາມະການຄັດເລືອກກ່ອນລ່ວງໜ້າ. ຂໍ້ຕົກລົງດ້ານການເງິນແມ່ນຈະຖືກເຊັນລະຫວ່າງພໍ່ແມ່ນັກຮຽນ ແລະ ໂຮງຮຽນ ແລະ ຄະນະກໍາມະການຫຼັງຈາກການຄັດເລືອກນັກຮຽນ.
ການຄັດເລືອກນັກຮຽນໃນແຕ່ລະໂຮງຮຽນແມ່ນອີງໃສ່ຄວາມສາມາດ ແລະ ຄວາມຈໍາເປັນດ້ານການເງິນ ແລະ ຂຶ້ນກັບການປະເມີນຄວາມຕ້ອງການຄວາມຈໍາເປັນຂອງຄອບຄົວນັກຮຽນ. ທາງຄະນະກໍາມະການຈະພະຍາຍາມເລືອກໂຮງຮຽນໃຫ້ຖືກກັບຄວາມຕ້ອງການນັກຮຽນ ແລະ ຕອບສະໜອງກັບເງື່ອນໄຂຂອງທຶນທີ່ UWC ແຕ່ລະໂຮງຮຽນເປັນຜູ້ລະບຸໄວ້.